Jaialdia Nafarroa eta Arabako lagun talde batek antolatzen du, Folkirrika elkartearen parte direnak. Haien helburua, hiru egunetan zehar musika, dantza eta ikasketaren inguruan disfrutatzeko espazioak eskaintzea da. Dantzatzen eta musika jotzen ondo pasatzeko jaialdi bat! Iturmendin (Nafarroan) ospatutako lehenengo edizio arrakastatsuaren ondoren, bigarren edizioan lanean ari gara gogotsu, aforo handiago, programa erakargarri eta nobedade askorekin, oraingo honetan Kuartango Lab izeneko toki zoragarri batean:
Hementxe bideo motz motza, aurtengo espazioa ezagutu dezazuen:
Baina… zer da Balfolk-aren kontu hori? Udan gaudenez, pentsa dezagun entsalada batetan! Bikoteka eta taldeka ematen diren dantzez betetako katilu handi bat da, non dantzekin batera beste zapore asko datozen: musika, topaketa, dibertsioa, sormena, adierazpena, introspekzioa, ikaskuntza, lotura… osagai ekologikoak guztiak Europa osoa zeharkatzen dituztenak, karbono-aztarnarik gabe mendeetan barna… eta entsalada goxoetan bezala, bakoitzak gogokoen dituen bizigarriekin lagunduko du: kutsu herrikoiarekin, edo swing ukituarekin, saltsa exotiko batekin, jazz edo punttu esperimentalarekin…