FOLKIRRIKA 2024

ESKERRIK ASKO !!!!!!!

https://www.berria.eus/iritzia/zuzendariari/folkirrika-zer-ote_2132505_102.html

Jaialdiaren amaiera atzean utzi dugu. Aste honetan zehar ezin izan ditugu zuen denon poztasun eta abegikortasuna gogotik kendu. Folkirrikak hiru urte betetzen dituen honetan, berriro ere argi ikusi dugu dantza eta musikaren boterea: pertsonok elkarri gerturatzea ahalbidetzen digute, berdin gure adina, generoa edo iritzi, guztioi elkarrekin hartu harreman emankorra izateko aukera paregabea emanez.

 Zoragarria izan da 3 egunetan bizitakoa! Antolatzaileok bihotzez gaude pozik! Urte osoko lanak bere fruituak eman ditu berriz ere, eta hurrengo edizioa maitasun eta zaintza berdinarekin antolatzeko gogoz gaude, elkarrekin sortu dugun giro berezi hau berpizteko. Hurrengo urtera arte!

Eskerrik beroenak luzatu nahi dizkiegu, lehenik eta behin, Kuartangoko Udalari, beren instalazioak eskaini dizkigutelako. Euren babesarik gabe, ez legoke horrelako paradisu baten Folkirrika egiterik! Ezin zaituztegu etorri zareten dantzari eta musikari bakoitza ahaztu, nor bere indar eta alaitasunarekin jaialdia magia hutsez betetzea lortu baituzue. Eta, noski, mila mila esker boluntario lanetan aritu zareten guztioi: sukaldari, soinu teknikari, garbitzaile, eta beste hainbat lanetan aritu zaretenoi. Zuek gabe ez zen posible izango!

Guztioi eskerrik asko bihotzez, eta hurrengora arte!

Etor zaitez dantzatzera Folkirrika III-ra, Euskal Herrian ospatzen den Balfolk jaialdira! Ikastaro, kontzertu eta bizipen pilo dauzkazu zain. Web gune honetan topatuko duzu jaialdiaren inguruko informazio guztia, baita gure kontaktua ere sortzen zaizun edozein galdera argitzeko. Laister arte!